முன்னாள் முதல்வர் ஜெயலலிதாவின் 76வது பிறந்த தினத்தை முன்னிட்டு மன்னாா்குடியில் அவரது உருவச்சிலைக்கு முன்னாள் உணவுத்துறை அமைச்சர் ஆர்.காமராஜ் மாலை அணிவித்து மரியாதை.

முன்னாள் முதல்வர்  ஜெயலலிதாவின் 76வது பிறந்த தினத்தை முன்னிட்டு மன்னாா்குடியில் முன்னாள் உணவுத்துறை அமைச்சர் ஆர்.காமராஜ்   அதிமுக நிர்வாகிகளுடன் முன்னாள் முதல்வர் ஜெயலலிதா சிலைக்கு மாலை அணிவித்து மரியாதை செய்தார்.

தமிழக முன்னாள் முதல்வர்  ஜெயலலிதாவின் 76 -வது பிறந்தநாளை முன்னிட்டு தமிழ்நாடு முழுவதும் அதிமுகவினர் ஜெயலலிதாவின் திருவுருவப்படத்திற்கும் திருவுருவ சிலைக்கு மாலை அணிவித்து மரியாதை செலுத்தி வருகின்றனர் அதன் ஒரு பகுதியாக திருவாரூர் மாவட்டம் மன்னார்குடியில் நகர அதிமுக சார்பில் ஜெயலலிதாவின் 76-வது பிறந்த தினத்தை முன்னிட்டு மாவட்ட அதிமுக அலுவலகத்தில் உள்ள மறைந்த முன்னாள் முதல்வர் ஜெயலலிதாவின் புகைபடத்திற்கு மலர்தூவி மரியாதை செலுத்திவிட்டு  பேரணியாக  சென்று  கோபாலசமுத்திரம் வீதியில் உள்ள முன்னாள் முதல்வர்கள் ஜெயலலிதா, எம்.ஜி.ஆர் ஆகியோர் சிலைக்களுக்கு தமிழக முன்னாள் உணவுத்துறை அமைச்சர் ஆர். காமராஜ் மாலை அணிவித்து மரியாதை செய்தார் . அதனை தொடர்ந்து ஏழை எளிய மக்களுக்கு காலை உணவுகளை வழங்கினார் .இந்த நிகழ்ச்சியில் கழக அமைப்பு செயலாளர் சிவ ராஜமாணிக்கம் , நகரசெயலாளர் ஆர்.ஜி.குமார் , மாவட்ட அம்மா பேரவை செயலாளர் பொன்வாசுகிராம்,  ஒன்றிய செயலாளர்கள் மேற்கு தமிழ்செல்வம் ,கிழக்கு தமிழ் கண்ணன் , உள்ளிட்ட மாவட்ட, ஒன்றிய, நகர, மகளிரணி கிளை நிர்வாகிகள் பலர் கலந்து கொண்டனர்  .

செய்தியாளர்: ஆர்.தமிழரசன், மன்னார்குடி