வலங்கைமான் அருகே டிராக்டர் மோதி வாலிபர் பலி விபத்துக்கான காரணம் குறித்து காவல்துறையினர் விசாரணை.

தஞ்சாவூர் மாவட்டம் திருவிடைமருதூர் தாலுக்கா, வேதப்பம்பேட்டை பகுதியைச் சேர்ந்தவர் கதிரேசன் (30). இவர் முன்னதாக வலங்கைமான் பகுதியில் அடகு கடை ஒன்றில் பணிபுரிந்து வந்தார். இந்நிலையில் தற்போது ரயில்வேயில் ஒப்பந்த தொழிலாளராக பணியாற்றி வந்தார். 

இந்நிலையில் சம்பவத்தன்று இரவு  விருப்பாச்சிபுரம்  ஊராட்சி பாதிரிபுரம் பகுதியில் உள்ள தனது நண்பரை சந்திப்பதற்காக இருசக்கர வாகனத்தில் சென்றுள்ளார். அப்போது எதிர்பாராத விதமாக எதிரே வந்த டிராக்டர் கதிரேசன் மீது மோதியது. இதில் பலத்த காயமடைந்த கதிரேசன் சம்பவ இடத்திலேயே பலியானார். 

இது குறித்து வலங்கைமான் போலீசார் வழக்கு பதிவு செய்து விபத்து ஏற்படுத்திய டிராக்டர்  டிரைவரான  சின்னகரம் பகுதியை சேர்ந்த சஞ்சீவி (27) என்பவரை கைது செய்து டிராக்டரை பறிமுதல் செய்தனர், இது தொடர்பாக விசாரணை மேற்கொள்ள   சென்ற காவல்துறையினருக்கும், அப்பகுதி மக்களுக்கும் ஏற்பட்ட வாக்குவாதத்தின் காரணமாக வலங்கைமான் கடைவீதி பகுதியில் அப்பகுதியை சேர்ந்த பொதுமக்கள் கும்பகோணம், மன்னார்குடி காலையில் நாளை மறியலில் ஈடுபட்டனர். அதிகாரிகள் நடத்திய பேச்சுவார்த்தையில் உடன்பாடு ஏற்பட்டு சாலை மறியல் கைவிடப்பட்டது.

- செய்தியாளர் ஆர். தமிழரசன்